ULAN

matagal nang di nadarama
ang mga patak
mula sa langit

dati'y tatakbo pa
para lang malunod

ngayon kinukubli ang sarili
iniiwasan ang paanyaya
ng paglalaro
na parang walang pakialam

ngayon pinupunasan
ang bahid ng mga alaala

na dati rati'y hinahayaang
matuyo ng kusa

ngayon ang mga patak
ay pagdurusa

ibang iba na
ibang iba na

panahon lang ang makapagsasabi kailan
lalabas sa lungga
at dadamahin uli
ang patak
ng walang luha

mukang malapit na

sana...